髮際線移到頭頂！楊冪驚險「禿頭」，一代女神要變禿頭楊？

內地女星楊冪除咗有女神級嘅樣貌同身材，堪稱360度零死角之外，佢嘅演技亦備受讚賞站穩一線花旦之位，不過可能工作太忙嘅原故導致身體出現毛病，搞到楊冪出現「缺陷」，喺拍電視劇《三生三世十里桃花》嘅時候，被網民發現佢發線后移露出個大額頭，被網民狂笑之後，楊冪一啲都冇嬲仲大方話網民再批評佢就去做植髮，自嘲一番去化解呢單黑材料。

楊冪近年嘅事業屢創高峰，佢嘅發線都一樣再向高發展，喺內地現正熱播嘅劇集《談判官》中，楊冪與黃子韜有一段姊弟戀情節，二人在辦公室談情期間，黃子韜用手指輕撥楊冪嘅秀髮，原本場面好溫馨，點知黃子韜太大力，搞到揭露咗楊冪「禿頭」最新情況，佢嘅發線竟然已經去到百會穴，一大塊額頭完全露出，佢反串拍清朝戲都真系唔使剃頭，雖然呢個畫面都系維持好短時間，但系咁「經典」嘅場面已經被網民成功截圖，唔少網民都留言話楊冪見到呢啲相應該最想打黃子韜一身，亦有網民估緊楊冪出乜嘢招去化解呢次「禿頭」危機？