去不丹過聖誕 唐詩詠「峰」騷恨有艷遇

藝人唐詩詠及袁偉豪到旺角出席品牌聖誕活動，詩詠身穿低胸連身裙略曬事業線，明艷照人！

她表示計劃聖誕前與女友人到不丹旅行，笑指對方稱當地有很多靚仔，不介意有艷遇，她說：「不過佢哋求偶方法好特別，黃翠如話如果佢敲門，你開門，就等於應承嫁畀佢，所以都唔敢亂開門畀人！

（想有艷遇系講笑？）少少啦，不過好難講㗎！做不丹新抱都唔錯，一個快樂指數咁高嘅國家。（咁喺香港有冇約會追求者？）暫時未有喎！都系工作多，不過就算約人食飯都唔等於人追你嘅。（唔怕過LonelyChristmas？）一個人都唔寂寞呀，睇你自己點諗㗎啫，不過都想喺外國過嚇聖誕，可能喺嗰邊留到聖誕節正日。」

提到詩詠憑劇集《不懂撒嬌的女人》在民選網站頒獎禮中獲得年度女藝人獎，她直言非常驚喜：「劇集喺年中播出，都擔心觀眾會忘記，估唔到大家仲咁鍾意，而且TVB個頒獎禮又出咗提名，我有份提名女主角，好開心！（點樣拉票？）呢個月要勤力啲，播番套劇啲片畀大家睇，可能喺不丹都要努力拉票，叫曬全不丹嘅市民投票。」