TVB劇《殭》女神選舉！陳嘉寶 KO 陳凱琳！你哋覺得點？

TVB電視劇《殭》進入結局篇啦，劇中出現咗唔少新一代嘅女神，所以無線都喺網上搞咗個《殭》最Like人氣女神選舉，入選者包括賴慰玲、陳嘉寶、陳凱琳、陳瀅、劉佩玥同阮兒，但帶頭領先嘅竟然喺陳嘉寶（Anjaylia）喔，以8.6k贊好之數，大比數拋離排第二嘅陳凱琳，喺咪真系估佢唔到呢？究竟Anjaylia有啲咩咁吸引，即刻帶大家探討下啦！

青春活潑

Anjaylia宜家26歲，雖然唔喺最後生嗰個，但佢喺劇中平陰短髮造型夠曬青春。加上佢本身眼大大，笑容夠曬可愛，同其他幾位女神嘅style唔同，人哋sell靚，佢就sell清新，成功獲得唔少男男女女嘅喜愛啦！

如陳凱琳雖然年紀細過Anjaylia，但Anjaylia勝在夠可愛，兩種風格。

Anjaylia都成熟得起架，人哋仲擁有法國血統架！

演技夠自然

《殭》雖然喺Anjaylia拍嘅第二部劇，但佢嘅演技卻出奇地自然。其實喺《女人俱樂部》嘅時候，佢嘅演技已經得到好多人嘅讚賞架啦！

演技雖然未到爐火純青嘅地步，但勝在觀眾受落啊嘛！

份人好True

唔少人支持陳嘉寶嘅原因，喺話佢個人夠true。其實睇返啲相，都睇得出佢好玩得，而且人緣唔錯，是非又少，同同劇嘅藝人感情好深厚，可能就喺因為佢嘅真，所以先令人咁鐘意佢。佢同班演員成日都玩到勁癲，感情好好架！

連cool開嘅鄭嘉穎都同佢扮鬼瞼影相，睇得出Anjaylia人緣系唔錯嘅。

其實有份入圍嘅幾個「女神」都唔系差嘅，不過可能因為Anjaylia比佢哋多咗一份清新感，賣點唔同，所以咪成功跑出啰！不過好奇怪嘅系，點解《殭》女神選舉會冇咗謝安琪架？咁樣唔公平喔！唔怪得啲有網民都要留言問Kay bb去咗邊啦！唔同人妻就唔可以選？